Post Matric Tribal Scholarship (Schedule Tribe) chu Ministry of Tribal Affairs, Government of India atangin 1st installment atan ₹712.52 lakhs dawn ani tawh a, tin hemi atana State Matching Share pawh Mizoram sawrkar hnen atang ₹79.16 lakhs dawn a ni tawh. Sum awmsa hian diltu tlemte chauh a daih dawn avangin Ministry ah dil belh leh a ni a, nimahsela kumdang anglo takin, 1st installment hman zawh hmasak hunah 2nd installment hi pek kan ni dawn chauh thu hriattir kan ni, an ti a.

"Sum awm zatin a daih ang ang institution thenkhatah sem chhuah turn mek a ni a, nimahsela National Scholarship Portal lamin an system an upgrade avangin disbursal system an rawn ti danglam veka chuvangin NSP kaltlangin tu State mahin an semchhuak theih rih lo," tiin MSB chuan a tarlang.

2022-23 Pre Matric Tribal Scholarship (Schedule Tribe) sum mamawh zat chu neih vek ani tawh a, National Scholarship Portal lama Disbursal system hman theih anih veleh sem a ni ang.

Rang taka semchhuah anih theih nan National Scholarship Portal viltu National Informatic Centre, New Delhi te hnenah kan harsatna te thlenin hmalak mek a ni. Harsatna tawh mekte hrethiama, lo ngaichang hram tura ngen kan ni e.